作為老細或者管理層嘅你有冇疑惑過點解大家夾得好似好哋哋咁但喺下屬突然間辭職呢？有冇諗過其實佢哋忍咗你好耐先有辭職嘅決定呢？今日同大家整合一下10個令下屬心灰意冷嘅原因啦〜

1）唔聽人意見

咁嘅管理方式又點令下屬信服呀？長期唔聽人意見嘅管理層就好似獨裁者咁，久而久之做下屬嘅梗係頂你唔順啦。其實下屬對工作有問題同意見嘅時候作為管理層好應該聆聽同討論，講真佢比意見都係希望件事好同對件事有幫助啫。

2）推卸責任

呢樣真係唔好話管理層，就算發生喺同事身上都極黑人憎呀！作為上級係發生錯誤嘅時候係應該負起責任定係射比啲細嘅呢？關佢事嘅你射比佢，唔關佢事嘅你又射比佢，你做細呀你都頂唔順啦下話〜

3）阻人收工

我明明就收六點嘅，你五點十一先比份文件我叫我今日搞掂佢之後自己走先？急你唔早啲叫我整嘅？仲有啲臨收工先嗌開會同留低傾兩句，喂收工呀大佬，啫係唔做嘢啦you know？留低係人情唔留係道理，唔應該比說話下屬聽㗎。

4）搶功勞

明明單嘢你冇份嘅仲要死攬晒啲功勞上身，我係下屬都頂你唔順啦！下屬應該收表掦嘅時候就應該比翻應得嘅獎賞佢哋而唔係搶咗佢，咁嘅行為要不得呀！

5）侮辱下屬

下屬做錯嘢係好應該話佢兩句嘅，但係唔代表你可以用呢個機會嚟侮辱下屬，必須要注意你嘅用詞！“有冇帶腦份工呀？咁蠢都有！” “做到成舊屎咁你仲有面翻工嘅？” 日日比人咁話係人都頂你唔順啦。

睇完有冇覺得自己有犯以上其中一樣特徵呢？如果有嘅記得時刻提醒自己唔好再犯呀〜